“Barış pınarı”: 611 terrorçu zərərsizləşdirilib

Türkiyə ordusunun Suriyanın şimalında keçirdiyi “Barış pınarı” əməliyyatında zərərsizləşdirilən terrorçuların sayı artıb.
Bakitv.az xəbər verir ki, bununla bağlı Türkiyənin Milli Müdafiə Nazirliyi yeni məlumat yayıb. Bildirilib ki, əməliyyat başlayandan indiyədək 611 PKK / PYD-YPG terrorçusu zərərsizləşdirilib. Hazırda antiterror əməliyyatları davam etdirilir. 
Qeyd edək ki, Türkiyə Silahlı Qüvvələri Suriya Milli Ordusu ilə birlikdə oktyabrın 9-da Suriyanın şimalında “Barış pınarı” əməliyyatına başlayıb.