Sahil Babayevin 190 manatlıq oyunbazlığı... - Kürdəmirdə total NARAZILIQ...
18-11-2020, 11:36
292

Sahil Babayevin 190 manatlıq oyunbazlığı... - Kürdəmirdə total NARAZILIQ...

 Kürdəmir rayon, Söyüdlər kənd sakini Emin Kinyaz oğlu İsgəndərov 190 manat birdəfəlik ödəmə üçün Əmək və Əhalinin Sosial Müdafiəsi Nazirliyinin e-sosial.az saytına onlayn müraciət edib. Ancaq onun müraciətinə imtina cavabı verilib və imtinanın səbəbi kimi Emin İsgəndərovun adında “avtomobil sürmək üçün sürücülük etibarnaməsi” qeyd edilib. Emin İsgəndərov bununla əlaqədar, Kürdəmir rayon Məşğulluq Mərkəzinə şikayət bildirsə də, ona heç bir köməklik göstərilməyib.

DİA.AZ xəbər verir ki, Kürdəmir rayon, Atakişili kənd sakini İbrahim İsa oğlu Mürsəlov 190 manat birdədəlik ödəmə üçün e-sosial.az saytına onlayn müraciət etsə də, ona imtina cavabı verilmişdir. İmtinanın səbəbi kimi İbrahim Mürsəlovun “öhdəliyində pay torpağı” olması göstərilib. İbrahim Mürsəlov bununla bağlı, Kürdəmir rayon Məşğulluq Mərkəzinə müraciət etsə də, ona heç bir köməklik olunmayıb.

Kürdəmir rayon, Şaxsevən kənd sakini Ramil İbrahim oğlu Mürsəlov (ailə üzvü 5 nəfər olmaqla) aztəminatlı ailə olduğu üçün dəfələrlə Əmək və Əhalinin Sosial Müdafiəsi Nazirliyinin e-sosial.az saytına onlayn müraciət edib, ancaq ona imtina cavabı verilib. İmtinanın səbəbi kimi onun “öhdəliyində pay torpağı olduğu və rəsmi iş yeri olmadığı” qeyd olunub. Ramil Mürsəlov bununla əlaqədar, Kürdəmir rayonunun DSMF-nun ƏƏSM-nə şikayət bildirsə də, ona heç bir köməklik göstərilməyib.

Kürdəmir rayon, Şaxsevən kənd sakini Sahib Ağa oğlu Ömərov 190 manat birdəfəlik ödəmə üçün e-sosial.az saytına onlayn müraciət edib, ancaq müraciətinə imtina cavabı gəlib. İmtinanın səbəbi kimi onun “öhdəliyində pay torpağı olduğu” qeyd olunub. Sahib Ömərov bununla bağlı, Kürdəmir rayon Məşğulluq Mərkəzinə şkayət bildirsə də, ona heç bir köməklik olunmayıb.

Kürdəmir rayon, Xırdapay kənd sakini Rasimə Rasim qızı Həsənova 190 manat birdəfəlik ödəmə üçün Əmək və Əhalinin Sosial Müdafiəsi Nazirliyinin Nazirliyinin e-sosial.az saytına onlayn müraciət edib, ancaq imtina cavabı alıb. İmtinanın səbəbi isə Rasimə Həsənovanın “aktiv məşğulluğu” olmasıdır. Rasimə Həsənova bununla bağlı, Kürdəmir rayon Məşğulluq Mərkəzinə və Əmək və Əhalinin Sosial Müdafiəsi Nazirliyinin 142 Çağırı Mərkəzinə məlumat versə də, heç bir köməklik göstərilməyib.

Kürdəmir rayon, Şaxsevən kənd sakini Niyazi Rəsul oğlu Abdulrəhmanov 190 manat birdəfəlik ödəmə üçün Əmək və Əhalinin Sosial Müdafiəsi Nazirliyinin e-sosial.az saytına onlayn müraciət edib, ancaq Niyazi Abdulrəhmanova imtina cavabı gəlib. İmtinanın səbəbi kimi onun öhdəliyində avtomobil olduğu qeyd olunub. Niyazi Abdulrəhmanov bununla bağlı, Kürdəmir rayon Məşğulluq Mərkəzinə və Əmək və Əhalinin Sosial Müdafiəsi Nazirliyinin 142 Çağrı Mərkəzinə məlumat versə də, ona heç bir köməklik göstərilməyib.

Kürdəmir şəhər, N.Nərimanov küç., ev 15-də yaşan Tural Şirvan oğlu Əhmədov 190 manat birdəfəlik ödəmə üçün Əmək və Əhalinin Sosial Müdafiəsi Nazirliyinin e-sosial.az saytına onlayn müraciət edib. Ancaq Tural Əhmədovun müraciətinə imtina cavabı verilib və səbəb kimi “aktiv məşğulluğu” göstərilib. Tural Əhmədov bunun üçün Kürdəmir rayon Məşğulluq Mərkəzinə və Əmək və Əhalinin Sosial Müdafiəsi Nazirliyinin 142 Çağırı Mərkəzinə şikayət etsə də, şikayətinə baxılmayıb.

Oxşar xəbərlər