SON DƏQİQƏ

www.bakitv.az

Beynəlxalq Bankın mənfəəti 57%-dən çox AZALDI

Beynəlxalq Bankın mənfəəti 57%-dən çox AZALDI
3-03-2021, 13:14 30 dəfə baxılıb

“Azərbaycan Beynəlxalq Bankı” (ABB) 2020-ci ilin sonuna olan hesabatını açıqlayıb.
Valyuta.Az bankın hesabatına istinadən xəbər verir ki, dövlət bankının əksər göstəriciləri 2019-cu ilin sonu ilə müqayisədə azalıb.
ABB-nin aktivləri 1 il ərzində 260 milyon 569 min manat və ya 2.8% azalaraq 8 milyard 962 milyon manata düşüb. Buna baxmayaraq dövlət bankının müştərilərinə verdiyi xalis kreditləri 213 milyon 21 min manat artaraq 2 milyard 366 milyon manata çatıb. Bundan başqa bankın cəmi öhdəlikləində də azalmalar olub. Belə ki, ABB-nin cəmi öhdəlikləri 1 il ərzində 247 milyon 550 min manat və ya 3.1% azalaraq 7 milyard 636 milyon manata düşüb. Buna əsas səbəb isə dövlət bankında olan müştərilərin depozitləri 85 milyon 531 min manat və ya 1.5% azalaraq 5 milyard 549 milyon manata bərabər olub.
Bankın cəmi kapitalı 2019-cu ilin son rübü ilə müqayisədə 13 milyon 18 min manat azalaraq 1 milyard 326 milyon manata  enib.
Bankın faiz gəliri 35 milyon 696 min manat azalaraq  406 milyon 244 min manata, faiz xərcləri isə 6 milyon 114 min manat artaraq 104 milyon 275 min manata çatıb. Nəticədə bankın xalis faiz gəliri 301 milyon 968 min manat olub ki, bu da 2019-cu ilin sonu ilə müqayisədə 41 milyon 810 min manat və ya 12,1% azdır.
Qeyri-faiz gəliri 18 milyon 22 min manat və ya 12,5% azalaraq 125 milyon 389 min manata, qeyri-faiz xərcləri isə 58 milyon 477 min manat və ya 35,2% artaraq 224 milyon 146 min manata çatıb. Buna görə də bankın əməliyyat mənfəəti 203 milyon 211 min manat olub ki, bu da 2019-cu ilin son rübü ilə müqayisədə 118 milyon 339 min manat və ya 36,8% azdır.
Dövlət bankının xalis mənfəəti 172 milyon 925 min manat və ya 57,2% azalaraq 129 milyon 391 min manata düşüb.
ABB-nin məcmu kapitalı 2020-ci ilin son rübündə 1 milyard 112 milyon 195 min manat olub ki, bu da 2019-cu ilin 4-cü rübü ilə müqayisədə 18 milyon 560 min manat azdır.

ŞƏRH YAZ
OXŞAR XƏBƏRLƏR
SON DƏQİQƏ