Bir doza vaksin olunan tələbə və müəllimlər də dərsə buraxılacaq
14-09-2021, 16:23
148

Bir doza vaksin olunan tələbə və müəllimlər də dərsə buraxılacaq

Təhsil nazirinin müşaviri Rüstəm Ağayev 1 doza vaksin olunan ali və orta ixtisas təhsili müəssisələrinin tələbələrinin dərsə buraxılıb-buraxılmayacağı məsələsinə münasibət bildirib.
Nazir müşaviri deyib ki, Təhsil Nazirliyi oktyabrın 1-dən yox, bütün ay ərzində hər iki peyvənd dozasını qəbul edə bilməklə bağlı təklif verib:
 
"Hazırda bu istiqamətdə müzakirələr davam edir. Hesab edirik ki, təhsil işçiləri və tələbələrə əlavə imkan veriləcək ki, ay ərzində hər iki dozanı qəbul edə bilsinlər".
Nazir müşaviri eyni zamanda deyib ki, bu, təkcə ali və orta ixtisas təhsili müəssisələrinə çalışan və təhsil alanlara yox, bütün təhsil işçilərinə şamil ediləcək.

Oxşar xəbərlər