Cəmiyyət
6-10-2021, 18:50
179
Həbsdə olan Qarabağ qazisi AĞIR DURUMDA - “Vəziyyətim ağırdır, müalicə etmirlər”
Ədliyyə Nazirliyinin müalicə müəssisəsinin infeksiya şöbəsində saxlanılan məhkum Kərəm Mənsimov Bizimyol.info-ya şikayətlə müraciət edib.
Onun sözlərinə görə, vəziyyəti ağır olsa da, xəstəxananın Ceyhun adlı həkimi onu müayinə və müalicə etməkdən boyun qaçırır. Şikayətə görə, müalicə üçün “görüm-baxım” tələb olunur, amma onun maddi imkanları məhduddur.
Qeyd edək ki, Kərəm Mənsimov 1-ci Qrabağ savaşının iştirakçısıdır. Hazırda yeganə gəlir mənbəyi də məhz Qarabağ qazisi olaraq dövlətdən aldığı müavinətdir.
Şikayətçi bildirib ki, əgər xəstəxanada həyatını ititrərsə, buna görə Ceyhun həkim və Ədliyyə Nazirliyi məsuliyyət daşıyır.
Xatırladaq ki, məhkumların müalicəsi üçün dövlət büdcəsindən Ədliyyə Nazirliyinə milyonlarla manat vəsait ayrılır. Amma təəssüf ki, bu vəsaitlərin xərclənməsində lazımi qədər şəffaflıq yoxdur. Bu barədə heç bir hesabat açıqlanmır.
Penitensiar Xidmətin ictimaiyyətlə əlaqələr şöbəsindən bildirilib ki, məhkumların müayinə və müalicəsi Tibb Baş İdarəsinin səlahiyyətindədir. Bununla məşğul olan həkimlər və digər tibb işçiləri də bu idarənin əməkdaşları hesab olunur: “Bununla belə, deməliyəm ki, səhhətində problem olan məhkumlara dərhal lazımi tibbi yardım göstərilir. Onlar zəruri müayinə və müalicəyə cəlb olunur. Məhkumların sağlam olması istər bizim, istərsə də Tibb Baş İdarəsinin marağındadır”.
Ədliyyə Nazirliyindən Bizimyol.info-ya bildirilib ki, Kərəm Mənsimov hazırda da Penitensiar Xidmətin Müalicə Müəssisəsindədir və durumu stabildir: “Zəruri olan bütün müayinə-müalicələrlə təmin olunur. Bununla bağlı heç bir problem yoxdur. Hazırda vəziyyəti stabildir”.
Qarabağ qazisinin səhhəti ilə bağlı durumu diqqətdə saxlayacağıq.
Onun sözlərinə görə, vəziyyəti ağır olsa da, xəstəxananın Ceyhun adlı həkimi onu müayinə və müalicə etməkdən boyun qaçırır. Şikayətə görə, müalicə üçün “görüm-baxım” tələb olunur, amma onun maddi imkanları məhduddur.
Qeyd edək ki, Kərəm Mənsimov 1-ci Qrabağ savaşının iştirakçısıdır. Hazırda yeganə gəlir mənbəyi də məhz Qarabağ qazisi olaraq dövlətdən aldığı müavinətdir.
Şikayətçi bildirib ki, əgər xəstəxanada həyatını ititrərsə, buna görə Ceyhun həkim və Ədliyyə Nazirliyi məsuliyyət daşıyır.
Xatırladaq ki, məhkumların müalicəsi üçün dövlət büdcəsindən Ədliyyə Nazirliyinə milyonlarla manat vəsait ayrılır. Amma təəssüf ki, bu vəsaitlərin xərclənməsində lazımi qədər şəffaflıq yoxdur. Bu barədə heç bir hesabat açıqlanmır.
Penitensiar Xidmətin ictimaiyyətlə əlaqələr şöbəsindən bildirilib ki, məhkumların müayinə və müalicəsi Tibb Baş İdarəsinin səlahiyyətindədir. Bununla məşğul olan həkimlər və digər tibb işçiləri də bu idarənin əməkdaşları hesab olunur: “Bununla belə, deməliyəm ki, səhhətində problem olan məhkumlara dərhal lazımi tibbi yardım göstərilir. Onlar zəruri müayinə və müalicəyə cəlb olunur. Məhkumların sağlam olması istər bizim, istərsə də Tibb Baş İdarəsinin marağındadır”.
Ədliyyə Nazirliyindən Bizimyol.info-ya bildirilib ki, Kərəm Mənsimov hazırda da Penitensiar Xidmətin Müalicə Müəssisəsindədir və durumu stabildir: “Zəruri olan bütün müayinə-müalicələrlə təmin olunur. Bununla bağlı heç bir problem yoxdur. Hazırda vəziyyəti stabildir”.
Qarabağ qazisinin səhhəti ilə bağlı durumu diqqətdə saxlayacağıq.
