Nazir ağladığını etiraf etdi

“İstanbul seçkisini uduzduq və buna görə narahat oldum. Mən seçkidə qalib ola bilmədiyimizə görə ağladım. Bunu da ilk dəfə burada deyirəm”.

Bu sözləri Türkiyənin daxili işlər naziri Süleyman Soylu yerli mətbuata verdiyi müsahibədə deyib.

O bildirib ki, Türkiyədə 2019-cu ildə keçirilən İBB (İstanbul Böyükşəhər Bələdiyyəsi) seçkilərini uduzduqdan sonra çox məyus olub:  “Çünki, İstanbul cəmiyyətin sevimlisidir. Bu şəhərə xidmətlərimiz olmalıdır”.