Gürcüstanda koronavirusa yoluxanların sayı 1 600-ü ötdü

Gürcüstanda daha 25 nəfərə koronavirus diaqnozu qoyulub, 8 pasiyent müalicə olunaraq sağalıb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.  

Bununla da qonşu ölkədə COVID-19-a ümumi yoluxma göstəricisi 1 621 nəfərə, sağalanların sayı isə 1 302-yə çatıb. İndiyədək xəstəlikdən 19 ölüm faktı qeydə alınıb.

Hazırda Gürcüstan üzrə karantində 6 144, tibbi nəzarətdə isə 292 nəfər saxlanılır.