“Kontakt Home”də müştəri ilə mağazanın əməkdaşları arasında dava düşüb.
Manset.az-ın əldə etdiyi məlumata görə, hadisə mağazanın Lənkəran filialında baş verib. Belə ki, müştəri mağazanın təşkil etdiyi “Şoş-Qoşa” kampaniyasında iştirak edib. Bu zaman tərəflər arasında mübahisə düşüb. Tərəflər bir-birini təhqir etməyə başlayıblar.
Qeyd edək ki, “Kontakt Home”dan məhsul alan şəxslər “Şeş-Qoşa” kampaniyasında zər atır. Zərdə şeş-qoşa (6 qoşa) düşərsə, müştərinin məhsulu tamamilə pulsuz əldə edəcəyi bildirilir.