Cəmiyyət
24-02-2022, 17:19
7 512
Deputat: “Güzəştlər olmazsa, vəziyyət daha da kritikləşəcək”
“Rusiya ilə Ukrayna arasında hərbi əməliyyatların başlanılması gözlənilən və proqnozlaşdırılan idi. Baş verən hadisələr göstərir ki, müharibənin baş verməsi labüd idi. Hesab edirəm ki, bütün reallıqlar fonunda yeganə yol diplomatik danışıqlara getməkdir. Güzəştlər olmazsa, vəziyyət daha da kritikləşəcək. Rusiyanın və Qərbin mövqeyi belədir ki, geriyə yol yoxdur. Belə olan halda, böyük fəlakətlə üzləşən Ukrayna xalqı və dövlətçiliyi olacaq”.
Bunu açıqlamasında Milli Məclisin deputatı Elman Nəsirov deyib.
E.Nəsirov qeyd edib ki, Qərbin Rusiyaya qarşı sərt sanksiyaları münaqişəni həll edə bilməz: “Sanksiyalarla nəhəng dövlətləri yıxmaq çətindir. Misal üçün, ömür boyu İrana qarşı sanksiyalar tətbiq edilir, amma nəticəsi də yoxdur. Birincisi, Rusiya Prezidenti Vladimir Putin qondarma xalq respublikalarını tanıdı, onlarla dostluq və qarşılıqlı yardım haqqında razılığa gəldi, eyni zamanda, həmin ərazilərdən əhalinin çıxarılmasına başlanıldı. Əhali köçürülürdüsə, deməli, müharibənin başlanılması labüd idi. Məşhur bir deyim var: sabah baş verəcək hadisədə bu gün mütləq əlamətləri var. İkinci mənfi misal isə belədir ki, təhlükənin hiss olunmaması ən böyük təhlükədir. Bu məsələdə təhlükə artıq hiss olunurdu. Rusiyanın bu məsələdə geridönməz və prinsipial mövqeyi açıqlandı. Onun mövqeyi belə idi ki, NATO Şərqə doğru genişlənməməli, ona stop qoyulmalıdır. İkincisi isə, Ukrayna bu kontekstdə NATO-ya daxil edilməməli və 1997-ci il sərhədlərinə qayıtmalıdır, NATO-nın strateji silahları Ukraynada yerləşdirilməməlidir. Rusiya Prezidenti bunun ardınca isə bildirmişdi ki, bu gün Ukraynanın NATO-ya qəbul edilməyəcəyini dostlarımız bizə vəd edir: bəs sabah, ya birigün?! Bu qədər güclənmiş Ukrayna Krımı və Donbassı geri almaq üçün NATO üzvü olan Ukraya kimi müharibəyə qoşulacaq. Belə olan halda, NATO üzvü ilə müharibə aparmağa məcbur olacağıq. Bu, dünya müharibəsi deməkdir. Bütün bunlar müharibənin labüd olduğunu sübut edirdi. Eyni zamanda, qeyd edim ki, Rusiya bu məsələdə dəqiq zərbələr endirməyi hədəfləyib, 2015-ci ildə Suriyada etdiklərini indi dəstəkləyir. İlk növbədə, Ukraynada strateji nöqtələrə: hava limanları, silah anbarları, aerodomlar və s zərbələr endirilir. Belə strateji məkanları iflic vəziyyətə salır və özünə tabe edirlər. Bu taktikanı həyata keçirir. Belə davam edəcəyi halda, əziyyət çəkən Ukrayna xalqı olacaq”
Bunu açıqlamasında Milli Məclisin deputatı Elman Nəsirov deyib.
E.Nəsirov qeyd edib ki, Qərbin Rusiyaya qarşı sərt sanksiyaları münaqişəni həll edə bilməz: “Sanksiyalarla nəhəng dövlətləri yıxmaq çətindir. Misal üçün, ömür boyu İrana qarşı sanksiyalar tətbiq edilir, amma nəticəsi də yoxdur. Birincisi, Rusiya Prezidenti Vladimir Putin qondarma xalq respublikalarını tanıdı, onlarla dostluq və qarşılıqlı yardım haqqında razılığa gəldi, eyni zamanda, həmin ərazilərdən əhalinin çıxarılmasına başlanıldı. Əhali köçürülürdüsə, deməli, müharibənin başlanılması labüd idi. Məşhur bir deyim var: sabah baş verəcək hadisədə bu gün mütləq əlamətləri var. İkinci mənfi misal isə belədir ki, təhlükənin hiss olunmaması ən böyük təhlükədir. Bu məsələdə təhlükə artıq hiss olunurdu. Rusiyanın bu məsələdə geridönməz və prinsipial mövqeyi açıqlandı. Onun mövqeyi belə idi ki, NATO Şərqə doğru genişlənməməli, ona stop qoyulmalıdır. İkincisi isə, Ukrayna bu kontekstdə NATO-ya daxil edilməməli və 1997-ci il sərhədlərinə qayıtmalıdır, NATO-nın strateji silahları Ukraynada yerləşdirilməməlidir. Rusiya Prezidenti bunun ardınca isə bildirmişdi ki, bu gün Ukraynanın NATO-ya qəbul edilməyəcəyini dostlarımız bizə vəd edir: bəs sabah, ya birigün?! Bu qədər güclənmiş Ukrayna Krımı və Donbassı geri almaq üçün NATO üzvü olan Ukraya kimi müharibəyə qoşulacaq. Belə olan halda, NATO üzvü ilə müharibə aparmağa məcbur olacağıq. Bu, dünya müharibəsi deməkdir. Bütün bunlar müharibənin labüd olduğunu sübut edirdi. Eyni zamanda, qeyd edim ki, Rusiya bu məsələdə dəqiq zərbələr endirməyi hədəfləyib, 2015-ci ildə Suriyada etdiklərini indi dəstəkləyir. İlk növbədə, Ukraynada strateji nöqtələrə: hava limanları, silah anbarları, aerodomlar və s zərbələr endirilir. Belə strateji məkanları iflic vəziyyətə salır və özünə tabe edirlər. Bu taktikanı həyata keçirir. Belə davam edəcəyi halda, əziyyət çəkən Ukrayna xalqı olacaq”
