“Meymun çiçəyi” virusu nə qədər təhlükəlidir? - Əlamətləri
20-05-2022, 11:58
1 452

“Meymun çiçəyi” virusu nə qədər təhlükəlidir? - Əlamətləri

Bu il Avropadan sonra “Meymun çiçəyi” virusuna ilk dəfə ABŞ-da da rast gəlinib. Virus ABŞ-da bu yaxınlarda Kanadaya səfər etmiş bir nəfərdə aşkar edilib.
BBC xəbər verir ki, çərşənbə günü İspaniyada 23 nəfərdə “Meymun çiçəyi” xəstəliyinin əlamətləri olduğu açıqlanıb.
Portuqaliyada isə 15 şübhəli hadisənin araşdırıldığı bildirilir.
Böyük Britaniyada da iki yeni “meymun çiçəyi” hadisəsi aşkar edilib. Bununla da ölkədə yoluxanların ümumi sayı 9-a yüksəlib.

Meymun xəstəliyi nədir, nə qədər yayğındır?
“Meymun çiçəyi” nadir bir virusdur. Su çiçəyi xəstəliyinə bənzər bir xəstəliyə səbəb olur.
Lakin “Meymun çiçəyi” olan insanlarda xəstəlik daha yüngül keçir və mütəxəssislər bu halda yoluxma ehtimalının az olduğunu bildirirlər.
Virus adətən Qərbi Afrika ölkələrində tropik meşələrin yaxınlığında baş verir. Virusun iki əsas ştammı var - Qərbi Afrika və Mərkəzi Afrika.

Simptomlar nələrdir?
Virusun ilk əlamətləri qızdırma, baş ağrısı, şişkinlik, bel ağrısı, əzələ ağrısı və zəiflikdir.
Qızdırma azaldıqdan sonra, adətən üzdə başlayan və daha sonra bədənin digər hissələrinə, əksər hallarda ovuclara və ayaqlara yayılan səpgilər əmələ gələ bilər.
Çox qaşıntılı ola bilən səpgilər qabığa çevrilir və müxtəlif mərhələlərdən keçdikdən sonra azalır. Yaralar izlər buraxa bilər.

Necə yayılır?
Virusa “Meymun çiçəyi” olan başqa bir şəxslə yaxın təmasdan yoluxmaq mükündür. Virus bədənə dəri sıyrıqları, tənəffüs yolları, gözlər, burun və ya ağızdan daxil ola bilər. Cinsi əlaqə zamanı birbaşa təmas yolu ilə də ötürülə bilər.
Virus həmçinin meymun, siçovul və dələ kimi yoluxmuş heyvanlar vasitəsilə və ya yataq dəsti və paltar kimi əşyalarla təmas yolu ilə də yayıla bilər.

Nə qədər təhlükəlidir?
Əksər hallarda virusa yoluxanlarda yüngül formada olur. Virus bəzən su çiçəyi xəstəliyinə bənzəyir və bir neçə həftə ərzində öz-özünə yox olur.
Ancaq bəzən daha ağır ola bilər. Daha əvvəl Qərbi Afrikada ölümlərə səbəb oldub.

Oxşar xəbərlər