Xalid Hüseyninin oğlu cinsiyyətini dəyişdi - FOTOLAR

Dünyaca məşhur əfqan yazıçı Xalid Hüseyninin oğlu cinsiyyətini dəyişib.
O, bu barədə "Facebook" hesabında paylaşım edib.
"Dünən qızım Haris özünü transgender elan etdi. Bir ata olaraq onunla heç vaxt bu qədər fəxr etməmişəm. Sevinirəm ki, indi bir yox, iki gözəl qızım var. Məni ən çox ruhlandıran Harisin qorxmazlığı, əsl özünü dünya ilə bölüşmək cəsarətidir. O, mənə və ailəmizə cəsarət və həqiqət haqqında çox şey öyrətdi. Həqiqətən yaşamağın nə demək olduğu haqqında. Bilirəm ki, bu proses onun üçün ağrılı, kədər və narahatlıqla müşayiət olunurdu. O, transseksualların hər gün məruz qaldığı vəhşiliyə qarşı ayıqdır. Ancaq o, güclü və qorxmazdır. Mən qızımı sevirəm. Mən də ailəmiz kimi onun hər addımında yanında olacağam. Biz onun arxasındayıq. Onun dünyaya gözəl, müdrik və parlaq qadın kimi daxil olmasını izləmək bir şərəfdir.”, - deyə Hüseyni bildirib.
Qeyd edək ki, X. Hüseyni “Çərpələng uçuran”, “Min möhtəşəm günəş”, “Və dağlardan səda gəldi” və “Dəniz duası” kimi romanların müəllifidir.