Hüseyn Həsənov Bakıya gəlişinin əsl səbəbini açıqladı

Rusiyada yaşayan, lüks həyat tərzi ilə gündəmdən düşməyən azərbaycanlı bloger Hüseyn Həsənov Bakıya gəlməsinin səbəbini açıqlayıb.
Yenisabah.az xəbər verir ki, haqqında yayılan “Səfərbərliyə görə Rusiyadan qaçdı” kimi xəbərlərə reaksiya verən bloger gəlişinin əsl səbəbini deyib.
27 yaşlı bloger atasının səhhəti ilə bağlı Bakıya gəldiyini bildirib:
“Atamın yanına gedirəm ki, onu yola gətirib ümumi müayinədən  keçirim. O, özü bunu etməkdən qəti şəkildə imtina edir. Çünki səhhətində problemlər olacağından və bununla bağlı pis xəbərlər alacağından qorxur. Planım var. Planım isə odur ki, analizlərin cavabını ancaq özüm biləcəyəm”.