Göyərçinlərdə zombiyə çevrilən sağalmaz xəstəlik aşkar edildi

La-Manş sahilindəki Cersi adasında göyərçinlərdə zombilərə çevrilən xəstəlik aşkarlanıb.
Bu barədə "Daily Mirror" məlumat yayıb.
Məlumata görə, quşlar paramiksovirusdan təsirlənir: "Bu infeksiya göyərçinlər üçün təhlükəlidir, lakin digər növlərin nümayəndələrinə ötürülmür. Xəstəliyin təzahürlərindən biri nevrolojidir: yoluxmuş heyvanlarda boyun əyilmiş, qanadlarda titrəmə və koordinasiya ilə bağlı problemlər müşahidə olunur". 
Bildirilib ki, virus sağalmazdır və tez yayıldığı üçün bütün xəstə göyərçinlər evtanizasiya edilməlidir.