"Qəhrəman övladıyıq" klipinin təqdimatı oldu

"Zəfər Günü" münasibətilə “Four Season” otelində Paşa Holding , Paşa Həyat Sığorta şirkətinin və “Zəfər” Şəhid Ailələrinə Dəstək İctimai Birliyinin birgə təşkilatçılığı ilə şəhid övladlarının ifasında “Qəhrəman övladıyıq” adlı musiqi əsasında hazırlanmış klipin təqdimatı keçirilib.
Musiqi əsəri ilk dəfə Şuşada “Zəfər” Yay məktəbinin bağlanış mərasimində təqdim edilmişdi. Qeyri-Hökümət Təşkilatlarına Dövlət Dəstəyi Agentliyinin dəstəyi ilə keçirilən yay məktəbi layihəsində şəhid övladlarının təlim keçdiyi istiqamətlərdən biri də musiqi dərnəyi olmuşdu.Musiqi əsərinin müəllifi şəhid pilot,polkovnik-leytenant Rəşad Atakişiyevin həyat yoldaşı, Bakı Musiqi Akademiyasının professoru Könül Hüseynovadır. Musiqi əsəri əsasında hazırlanan klipin rejissoru Cəlal Kəngərli,senari müəllifi Məryəmxanım Abbasəliyevadır. Klip Paşa Holdinq və Paşa Həyat Sığorta şirkətlərinin dəstəyi əsasında hazırlanmışdır.
Təqdimatda AR İnsan Hüquqları üzrə Ombudsmanı Səbinə Əliyeva, millət vəkili Ceyhun Məmmədov, Qeyri-Hökümət Təşkilatlarına Dövlət Dəstəyi Agentliyinin icraçı direktoru Aygün Əliyeva, şəhid ailələrinin üzvləri, KİV və ictimaiyyət nümayəndələri iştirak ediblər. Tədbir klipin təqdimatı ilə yekunlaşıb.