İşğaldan azad olunan ərazilərə müvəqqəti komendantlar təyin edildi

"Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında" Azərbaycan Respublikası Prezidentinin 2020-ci il 29 oktyabr tarixli Fərmanı rəhbər tutularaq Daxili İşlər naziri, general-polkovnik Vilayət Eyvazovun imzaladığı əmrlərlə işğaldan azad olunmuş rayonların polis şöbələrinin rəisləri həmin rayonların müvəqqəti komendantları təyin olunublar.
Bu barədə DİN-in Mətbuat Xidmətindən bildirilib.
Qeyd olunan Fərmandan irəli gələn digər vəzifələrin də icrası davam etdirilir.