Tibbin və kosmetologiyanın sürətli inkişafı zahiri görünüşündən narazı olanlar, eləcə də gözəl görünmək istəyənlər üçün əsl fürsət yaradıb. 
Bu fürsəti dəyərləndirmək istəyən xanımların sayı isə günü-gündən artıb. Məsələn, 10 il əvvəl estetik cərrahlara və kosmetoloqlara müraciət edənlərin yaşı 30-dan yuxarı idisə, artıq rəqəmlərdə azalma müşahidə olunur. Belə ki, 18-20 yaşlı gənc xanımlar arasında da cərrahi əməliyyata üz tutanların sayı bir xeyli çoxalıb.
Mütəxəssislərin sözlərinə görə, 18-20 yaşında olan gənc qızların zərurət olmadan plastik əməliyyat etdirməsi həm təhlükəlidir, həm də gələcəkdə müəyyən xoşagəlməz fəsadların yaranmasına səbəb ola bilər.