Dərslər sentyabrın 1-dən başlaya bilər? - AÇIQLAMA

"Neçə illərdir ki, dərs ilinin 1 sentyabr tarixində başlamasına dair təkliflər veririk. Fikrimcə, dərs ili sentyabrın 1-dən başlamalıdır".
Bunu açıqlamasında Milli Məclisin Elm və təhsil komitəsinin sədr müavini, deputat Musa Qasımlı deyib. 
"Dərs ilinin müddəti nə qədər çox olarsa, məktəblilər bir o qədər məktəbdə olarlar. Eyni zamanda tədrisin keyfiyyəti artar", - deyə MM üzvü bildirib.
Dərs ilinin bitmə tarixinə gəlincə, M.Quliyev müddətin may ayının sonunda bitməsini təklif edib: "Heç kəsə sirr deyil ki, may ayının sonlarından məktəblərimizdə, xüsusilə yuxarı siniflərdə dərslər keçirilmir. Ona görə də dərs ilinin mayın sonrlarında başa çatdırılması düzgün olardı".
Qeyd edək ki, elm və təhsil naziri Emin Əmrullayev ötən gün keçirdiyi brifinqdə bildirib ki, məktəblərdə tədrisin sentyabrın 1-dən başlaması daha uyğun olardı.