Zəlzələ ilə bağlı təcili yardıma neçə müraciət olub?

İyulun 4-ü saat 00:01 radələrində qeydə alınan zəlzələ ilə bağlı Tibbi Ərazi Bölmələrini İdarəetmə Birliyinin (TƏBİB) tabeliyindəki Bakı Şəhəri Təcili və Təxirəsalınmaz Tibbi Yardım Stansiyasına 34 nəfər müraciət edib.
Bu barədə TƏBİB-dən məlumat verilib.
Qeyd olunub ki, müraciət edənlərdən 26-sı qadın, 5-i kişi, 3-ü uşaq olub.
“Müraciət edənlərdən 32 nəfərə yerində yardım göstərilib, 2 nəfər isə aidiyyəti üzrə tibb müəssisəsinə təxliyə olunub. Müraciətlər əsasən arterial təzyiq, stresə qarşı reaksiya, travma, bədənin müxtəlif hissələrində olan ağrılarla bağlı olub”, - məlumatda bildirilib.