Azərbaycanlıların Xankəndinə qayıtması xəbəri haqda açıqlama

“12 mindən çox azərbaycanlının Xankəndinə qayıdacağı ilə bağlı yayılan xəbərlər tamamilə cəfəngiyatdır”.
Bu barədə qondarma “DQR” lideri Arayik Arutyunyanın mətbuat katibi Vaqram Poğosyan öz “Facebook” hesabında yazıb. “Vestnik Kavkaza saytı həmişə rusdilli əhali arasında təbliğat yaratmaq məqsədi güdüb. Ermənistan KİV-dən bu saytın xəbərlərinə istinad etməkdən çəkinməyi xahiş edirəm”, - Poğosyan bildirib.
Xatırladaq ki, bu gün “Vestnik Kavkaza” xəbər saytı 12 mindən artıq azərbaycanlının Xankəndinə qayıtması üçün işlərin başlanması barədə xəbər yayıb.