İnsanı tez qocaldan ƏN BÖYÜK SƏBƏB

Məşhur uzunömürlü həkim Nil Polvin deyib ki, müasir insanların tez qocalması və xəstələnməyə başlaması ilə bağlı əsas səhvi yuxusuzluqdur.
Bu barədə "CNBC" yazır.
Həkimin fikrincə, qocalmanı iki kateqoriyaya bölmək olar: daxili və xarici. Daxili genetik amillərlə bağlıdır, lakin xarici insanın həyat tərzindən və pis vərdişlərindən təsirlənə bilər. O, əmindir ki, qocalmanın əsas səbəbi yuxusuzluqdur. Onun sözlərinə görə, insan yatanda orqanizm özünü bərpa edir. Gecə yeddi-səkkiz saat yatmaq hüceyrə və toxuma sağlamlığını, koqnitiv funksiyanı, immuniteti, enerji səviyyələrini eləcə də maddələr mübadiləsini yaxşılaşdırır. Bu arada, Nil Polvin yuxusuzluğun yüksək qan təzyiqi, depressiya, piylənmə, insult, diabet və ürək xəstəlikləri də daxil olmaqla bir sıra sağlamlıq problemlərinə səbəb ola biləcəyini söyləyib.
Həkim yuxunun keyfiyyətini yaxşılaşdırmağa kömək edəcək bəzi məsləhətlər verib. İlk növbədə, ardıcıl yuxu cədvəlinə əməl etməyə çalışın. Səhər oyanan kimi günəşə çıxın. Kofein və spirt qəbulunu məhdudlaşdırın. Yatmazdan səkkiz saat əvvəl kofein və üç saat əvvəl spirt qəbul etməyin.
Rahatlaşdırıcı bir yuxu rejimi yaratmaq da eyni dərəcədə vacibdir. Nəhayət, yatmazdan əvvəl dincəlmək üçün yaxşı döşək, yataq dəsti, göz maskaları və başqa şeylər alın.