Şabranda yanğın: 15 baş iribuynuzlu heyvan tələf oldu

Şabran rayonunun Rəhimli kəndində Ağamalıyev Fərrux Fərhad oğluna məxsus tövlədə yanğın baş verib.

Hadisə zamanı 15 baş iribuynuzlu heyvan, 100-ə yaxın toyuq və tövlənin damına yığılmış 1500 ədəd ot bağlaması yanıb.

Alov yanğından mühafizə bölmələri tərəfindən söndürülüb. Yaxınlıqdakı tikililər yanğından mühafizə olunub.

Faktla bağlı araşdırma aparılır.