Dilan Polatın "Enercii" mahnısı oğurluqdur? - FOTO/VİDEO

Hazırda həbsdə olan sosial media fenomeni Dilan Polatın "Enercii" mahnısındakı "Enerji" şüarının oğurluq olduğu iddia edilib.
Türkiyə KİV xəbər verir ki, türkiyəli enerji terapiyası ilə məşğul olan İsmail Yılmaz bu sözün özünə aid olduğunu bildirib:
"Mahnıda istifadə edilən "Enerji" və "Sinerji" sözləri mənim şüarlarımdır. Bir neçə dəfə televiziyada olanda bu barədə də məlumat vermişəm. Dilan Polat bu mahnını yazdırarkən mənim şüarlarımdan ilhamlanıb. Bu kəlməni hər kəsə sevdirən isə ilk mən olmuşam. Bu səbəblə də Dilanın mahnısı oğurluqdur. Bunun üçün ondan maddi nəsə tələb etmirəm. Amma ən azından o mahnı yazılanda mənimlə əlaqə saxlayıb təşəkkür edə bilərdi".