Azərbaycanda 10 koronavirus xəstəsinə cinayət işi açıldı

Ötən gün Daxili İşlər orqanlarının əməkdaşları tərəfindən respublika ərazisində karantin rejiminə əməl etməyən 17 nəfər aktiv koronavirus xəstəsi ictimai yerlərdə aşkar edilərək evə qaytarılıb. 
DİN mətbuat xidmətindən verilən məlumata əsasən, 10 nəfər barəsində Cinayət Məcəlləsinin 139-1.1-ci (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işləri başlanıb. Hazırda zəruri istintaq hərəkətləri davam etdirilir.