Bakıda məşhur məktəbdə 10 şagird və müəllimin qızılcaya yoluxması iddiasına RƏSMİ CAVAB

20 nömrəli məktəb-liseydən verilmiş məlumatda qeyd olunur ki, bir sinifdə 10 şagirdin qızılcaya yoluxması haqqında məlumat həqiqətə uyğun deyil.

Bu barədə Bakı şəhəri üzrə Təhsil idarəsinin mətbuat xidmətindən bildirilib.

Qeyd edilib ki, ümumiyyətlə məktəb üzrə indiyədək 9 şagird və bir müəllimin qızılcaya yoluxması (müxtəlif vaxtda ayrı-ayrı siniflər üzrə) qeydə alınıb.

***14:17

Paytaxtda, A.Hüseynzadə adına 20 nömrəli məktəb-liseyində bir sinifdə 10 şagird və 1 müəllim qızılcaya yoluxub.

Hadisə sözügedən məktəbin rus bölməsi üzrə 1-ci sinfində qeydə alınıb. 

Sinifdə tədrisin distant təhsilə keçib-keçməyəcəyi ilə bağlı adiyyəti qurumların qərarı gözlənilir.