Nazir: “İrəvan Qars və Naxçıvana uzanan dəmir yollarını bərpa etməyə hazırdır”

Ermənistan Gümrü-Qars və Yerasx (Arazdəyən)-Naxçıvan dəmir yollarını bərpa etməyə hazırdır.
Armenian News xəbər verir ki, bunu Ermənistanın xarici işlər naziri Ararat Mirzoyan deyib.
Nazir “Sülh kəsişməsi” layihəsinə toxunaraq bildirib ki, Ermənistan beynəlxalq standartlara uyğun kommunikasiyaların açılmasında və dövlətlərin suverenliyinə tam hörmətlə yanaşmada həyati maraqlıdır. 
XİN rəhbəri vurğulayıb ki, rəsmi İrəvan hökuməti kommunikasiyaların bərpası və yeni qurulması üçün səyləri davam etdirməyə hazırdır. Bu baxımdan, o, təkcə ölkənin şimal və cənub bölgələri arasında yaxşı əlaqəni deyil, həm də Fars körfəzi ilə Qara dəniz arasında əlaqəni təmin etmək üçün nəzərdə tutulan Şimal-Cənub layihəsinin əhəmiyyətini qeyd edib.
O, Ermənistanın sərhəd dəmir yollarının bərpasına hazır olduğunu vurğulayıb.
A. Mirzoyan qeyd edib ki, “Sülh kəsişməsi” digər logistik layihələrə rəqib deyil, lakin onları tamamlamaq məqsədi daşıyır.