Nazir: Qərbi Azərbaycanlıların öz yurdlarına qayıdışını Ermənistanda ərazi iddiası kimi qəbul edirlər

Təəssüf və təəccüb doğuran odur ki, Qərbi Azərbaycanlıların öz yurdlarına qayıdışını Ermənistanda ərazi iddiası kimi qəbul edirlər. Hətta Baş nazir bunu Ermənistan üçün milli təhlükəsizlik təhdidi saydığını deyib.

Bunu Azərbaycanın xarici işlər naziri Ceyhun Bayramov nazirliyin ilin yekununa dair hesabat brifinqində çıxışı zamanı deyib.

“Hesab edirik ki, Ermənistan tərəfi sırf bu mövzuda da Azərbaycan kimi humanist mövqe sərgiləyərsə, müsbət nəticələr əldə etmək mümkündür” - nazir qeyd edib.