Güləşçilərimiz Fransada 3 medal qazandı

Fransanın Sen-Loran-dü-Var şəhərində çimərlik güləşi üzrə Dünya Seriyasının 3-cü mərhələsi baş tutub.
Iyulun 1-2-də keçirilən yarışda ölkəmizi baş məşqçi Oyan Nəzərianinin rəhbərliyi altında Ramiz Həsənov (70 kq), Omid Kamaliaqdam (80 kq) və İbrahim Yusubov (90 kq) təmsil edib. Güləşçilərimizin üçü də turnirin bürünc medalına sahib çıxıb.
Qeyd edək ki, Dünya Seriyasının 4-cü mərhələsi iyulun 9-10-da Yunanıstanın Katerini şəhərində keçiriləcək.