“Qarabağ“ın oyununda jurnalistlərə maska tələbi qoyuldu

Çempionlar Liqasının II təsnifat mərhələsinin "Qarabağ" - "Sürix" (İsveçrə) oyunundan sonra keçiriləcək mətbuat konfransına giriş üçün maska tələbi qoyulub.
"Qarabağ"ın rəsmi səhifəsi xəbər verir ki, UEFA-nın tələbinə əsasən, matçdan sonra keçiriləcək mətbuat konfransında iştirak edəcək media nümayəndələrinin FFP-2 tipli (N95) maskalardan istifadə etmələri məcburidir.
Tofiq Bəhramov adına Respublika stadionunda oynanılacaq qarşılaşma saat 20:00-da başlayacaq.