Avropanın nəhəngləri Ronaldonu bəyənmədi

"Mançester Yunayted"in futbolçusu Kriştiano Ronaldonun klubdakı gələcəyi qeyri-müəyyən olaraq qalır.
"Football Daily" xəbər verir ki, 37 yaşlı hücumçu hazırda Portuqaliyanın Lissabon şəhərində yaşayır və burada meneceri Xorxe Mendeşdən göstəriş gözləyir. Mendeş Ronaldo üçün yeni klub tapmağa çalışır.
Daha əvvəl portuqaliyalı oyunçunun Çempionlar Liqasında çıxış edəcək komandaya keçmək istədiyi bildirilirdi. Ronaldoya PSJ, "Atletiko" və "Çelsi" maraq göstərirdi, lakin sonradan klublar forvardı almaq fikrindən imtina ediblər. Kriştianonun özü "Mançester Yunayted"dən ayrılmaq üçün maaşını 30 faiz azaltmağa hazırdır.
Qeyd edək ki, Ronaldo 2021-ci ildən "Mançester Yunayted"də oynayır. Onun klubla 2023-cü ilə qədər müqaviləsi var.