"Barselona"nın keçmiş baş məşqçiləri prokurorluğa çağırılır

“Barselona”nın keçmiş baş məşqçiləri Luis Enrike və Ernesto Valverde Kataloniya klubunda korrupsiya ittihamı ilə dindirilə bilər.
Xarici media bildirir ki, İspaniya prokurorluğu “Barsa”nın keçmiş mentorlarının şahid qismində ifadə verməsini istəyir.
Xatırladaq ki, bir müddət əvvəl Kataloniya klubunun İspaniya Futbol Federasiyasının Hakimlər Texniki Komitəsinin keçmiş vitse-prezidenti Xose Mariya Enrikes Neqreiraya ödəmələrinin araşdırılması ilə bağlı məlumat yayılmışdı.
Ciudad Condal prokurorluğu araşdırma aparıb və müəyyən edib ki, kataloniyalılar Neqreyraya məxsus şirkətə ümumilikdə təxminən 1,4 milyon avro ödəyib. 2016-cı ildə transfer məbləği 532 min avro, 2017-ci ildə 541 min avro, 2018-ci ildə isə 318 min avro olub.
Artıq federasiyanın keçmiş işçisi və oğlu ifadə verib. Neqreyra bildirib ki, ona köçürülən pullar onun məsləhətçi işi və qaydaların aydınlaşdırılması ilə bağlı olub və “Barselona”nın hakimlərdən daha çox rəğbət qazanmasına heç də kömək etməyib. Lakin o, klubla konsaltinq əməkdaşlığına dair heç bir sübut təqdim edə bilməyib.