Heç bir klub Mourinyonu istəmir

“Roma”nın baş məşqçisi Joze Mourinyo komandasının Avropa Liqasının finalında "Sevilya"ya penaltilər seriyasında uduzduqları oyundan sonra bir sıra açıqlamalar verib.
Xarici media xəbər verir ki, Mourinyo klubdakı gələcəyi ilə bağlı suala belə münasibət bildirib:
“Bazar ertəsi tətilə gedəcəyəm. Klub rəhbərliyi ilə ünsiyyət quracağıq. Rəhbərliyə dedim ki, başqa klubla danışıqlara başlasam, əvvəlcə onlara xəbər verəcəm. Dekabr ayında Portuqaliya millisi məni yeni iş üçün çağıranda “Roma” rəhbərliyinə demişdim. Hazırda heç bir klub mənə zəng etməyib”.