Paşinyanı alqışlayan vitse-spiker kabinetində gizləndi

Ermənistan parlamentinin vitse-spikeri Lena Nazaryanın Baş nazir Nikol Paşinyanı ayaq üstdə alqışlaması hiddətlə qarşılanıb.
Erməni mediası xəbər verir ki, xüsusilə media mənsubları Lena Nazaryanın bu addımını kəskin tənqid ediblər. Eyni zamanda vitse-spikerdən Paşinyanı hansı səbəbdən ayaq üstdə alqışladığını soruşublar.
“Siz nə üçün 5000 itki ilə Qarabağı türklərə verən Paşinyanın çıxışını alqışlayırsınız?”, - deyə media mənsubları sual edib. Lakin vitse-spiker onların suallarına cavab verməyib. O, jurnalistlərdən yaxa qurtarmaq üçün kabinetində gizlənib. 
Məlumat üçün deyək ki, Lena Nazaryan hakim “Mənim addımım” fraksiyasının üzvüdür.