ÜST-nin baş direktoru: “İnsanlar peyvənd olmadıqları üçün ölürlər“

ÜST-nin baş direktoru Tedros Adanom Qebreisus  Hindistanda gündəlik yoluxma sayının rekord dərəcədə artması ilə bağlı narahatlığını dilə gətirib.
Təşkilatın Cenevrədəki mərkəzində təşkil olunan mətbuat konfransında dünyanın hər yerində insanların peyvənd olmadıqları, müalicə almadıqları üçün öldüklərinə diqqət çəkib.
Hindistanda vəziyyətin mürəkkəb olduğunu və ölkənin müxtəlif bölgələrində fərqli yanaşmaların tələb olunduğunu bildirən Qabreisus, hökumətin peyvənd istehsalını artırmaq üçün atdığı addımları dəstəklədiklərini qeyd edib.
Hindistanda bu günə qədər həyatını itirən 187 770 insan üçün başsağlığı verən baş direktor, ÜST olaraq bu ölkə üçün əllərindən gələni edəcəklərini bildirib.