Paşinyanın baş nazir postuna namizədliyi qəbul edilmədi (YENİLƏNİB)

Ermənistan parlamenti bu gün keçirilən xüsusi iclasında Nikol Paşinyanı respublikanın Baş naziri vəzifəsinə yeganə namizəd seçməyib.
Səsvermədə 75 deputat bitərəf qalıb, 3 nəfər əleyhinə, 1 nəfər isə lehinə səs verib. Bununla da Ermənistan parlamentinin buraxılma proseduru başladılıb.
Müxalif “Maariflənmiş Ermənistan” fraksiyası isə Paşinyanın namizədliyinin əleyhinə səs verib.
***12:51
"Mənim addımım” bloku parlamentin növbədənkənar iclasında Nikol Paşinyanın baş nazir vəzifəsinə namizədliyini irəli sürüb.
Erməni KİV-ləri xəbər verir ki, "Mənim addımım" fraksiyasının rəhbəri Lilit Makunts bildirib ki, Paşinyanın Ermənistan prezidenti, "Çiçəklənən Ermənistan" və "Parlaq Ermənistan" partiyalarının liderləri ilə danışıqları zamanı tərəflər seçkilərin iyunun 20-də keçirilməsinə razı olublar.
Onun sözlərinə görə, qanunvericilik bunun üçün yalnız bir imkan verir - parlament baş naziri iki dəfə seçməməlidir. "Mənim addımım" bloku məhz bu məqsədlə Nikol Paşinyanın namizədliyini irəli sürüb.
Qeyd edək ki,  Paşinyan 25 apreldə istefasını elan edib.