Almaniyada sinaqoqa hücum edilib

Almaniya polisi Bonn şəhərində baş verən iğtişaşlardan sonra yerli sinaqoqda təhlükəsizlik tədbirlərini gücləndirib, bir neçə şəxs saxlanılıb.
“RİA Novosti” agentliyi bu barədə yerli hüquq mühafizə orqanlarına istinadən məlumat yayıb.
Məlumatda həmçinin qeyd olunur ki, polis əməliyyatın təfərrüatlarına strateji səbəblərdən aydınlıq gətirə bilməyəcəyini qeyd edib.
Digər məlumata görə, ötən gün gecə saatlarında bir neçə gənc sinaqoqa hücum edərək binanın girişinə od vurub.