ABŞ və Rusiya rəsmiləri Qarabağı müzakirə etdilər

Mayın 20-də Reykyavikdə Rusiya xarici işlər naziri Sergey Lavrov və ABŞ dövlət katibi Entoni Blinken arasında 2 saat davam edən ilk şəxsi görüş baş tutub.
Görüşdən sonra rəsmilər jurnalistlərə açıqlamalar verib.
Tərəflər ABŞ-Rusiya münasibətləri, Ukraynaın şərqindəki böhran, Əfqanıstan, insan haqq və azadlıqları mövzusunda müzakirə aparıblar.
Dövlət Departamentindən verilən məlumata görə, Blinken və Lavrov regional məsələləri, o cümlədən Ermənistan və Azərbaycan arasındakı münaqişənin uzunmüddətli siyasi həll yollarının axtarılmasını da müzakirə ediblər.
Həmsöhbətlər gələcəkdə müzakirəni davam etdirəcəklərinə söz veriblər.