Əfqanıstanda partlayış - 9 nəfər öldü

Əfqanıstanın cənubundakı Hilmənd əyalətində yol kənarında bombanın partlaması nəticəsində qadın və uşaqlar daxil olmaqla 9 nəfər ölüb.
Bu barədə “Tolo News” telekanalı mənbəyə istinadən məlumat yayıb.
Televiziya kanalının verdiyi məlumata görə, partlayış bu gün səhər Ləşgərgah şəhərində baş verib.
“Partlayış nəticəsində iki uşaq yaralanıb”, – mənbə telekanala bildirib.
Partlayışa görə məsuliyyəti heç bir qrup üzərinə götürməyib.