AÇ-2020: İngiltərə millisinin oyunu almanlara tapşırıldı

AÇ-2020-nin 1/4 final mərhələsi çərçivəsində iyulun 3-də, Romada keçiriləcək Ukrayna – İngiltərə matçının hakimləri açıqlanıb.
UEFA-nın mətbuat xidməti xəbər verir ki, qarşılaşmanı Almaniyadan olan hakimlər briqadası idarə edəcək. Oyunun baş hakimi Feliks Brix olacaq. Ona yan xətt hakimləri Mark Borş və Ştefan Lupp kömək edəcəklər. Dördüncü hakim funksiyasını ispaniyalı Karlos del Serro Qrande yerinə yetirəcək.
İyulun 3-də keçiriləcək Ukrayna – İngiltərə matçı saat 23:00-da start götürəcək.