Türkiyə alovun cəngində: 20 bölgədə yanğını söndürmək mümkün olmayıb

Türkiyədə başlayan yanğının 43-ü nəzarət altına alınıb.
Türk mətbuatı xəbər verir ki, 28 və 29 İyul tarixlərində Türkiyənin 21 bölgəsində meydana gələn 63 yanğından 43-ü nəzarət altına alınsa da, davam edən 20 yanğına qarşı mübarizə davam edir.
Türkiyənin Kənd təsərrüfatı naziri Bəkir Pakdemirli yanğın haqqında danışıb: “Bu yanğın müharibəsində başda meşə qəhrəmanları, ictimai qurumlar olmaqla bütün xalqımız gələcəyimiz üçün var gücümüzlə, səylə mübarizə aparırıq" deyib.