ABŞ və Britaniya Əfqanıstana hərbçi göndərir

ABŞ və Böyük Britaniya Əfqanıstana hərbçi göndərir.
ABŞ Əfqanıstanın paytaxtı Kabil şəhərindəki Həmid Karzay hava limanına biri quru qoşunları, ikisi dəniz piyadaları olmaqla 3 tabordan ibarət 3 min hərbçi göndərir.
ABŞ Müdafiə Nazirliyinin nümayəndəsi Con Kirbi hərbçilərin ABŞ Dövlət Departamentinliyin istəyi ilə göndərildiyini bildirib. Onun sözlərinə görə, onlar hava limanında hərbi-nəqliyyat təyyarəsini gözləyəcəklər.
Həmin hərbçilər ABŞ vətəndaşlarının, o cümlədən diplomatlarının və Vaşinqtonun bu ölkədəki diplomatik nümayəndəliklərinin əfqanıstanlı əməkdaşlarının təxliyəsinin təhlükəsizliyini təmin edəcəklər.
Qeyd edək ki, Böyük Britaniyanın Müdafiə Nazirliyi də eyni məqsəd üçün Əfqanıstana 600 hərbçi yollayacağını elan edib.