Rusiyada təyyarə qazaya uğradı - Ölənlər var (YENİLƏNİB)

İrkutskda “An-12” yük təyyarəsinin qəzaya uğraması nəticəsində 5 nəfərin meyitlərinin qalıqları tapılıb. 
 “RİA Novosti” xəbər verir ki, bu barədə təcili xidmətdən bildirilib. 
Təyyarənin göyərtəsindəki daha 3 nəfərin taleyi hələlik naməlumdur.
*** 16:45
Rusiyanın İrkutsk vilayəti yaxınlığında göyərtəsində 8 nəfər olan “An-12” təyyarəsi radarlardan itib.
Bu barədə yerli təcili xidmətdən “RİA Novosti”yə bildirilib.
Qeyd olunub ki, təyyarə İrkutsk şəhərindən 7 kilometr aralıda yerləşən Povovarixa yaşayış məntəqəsində enişə hazırlaşarkən radarlardan itib.
Hadisə yerinə xilasedicilər göndərilib.