Gürcüstanda COVID-19-a 15 315 yeni yoluxma qeydə alındı

Gürcüstanda ötən sutkada daha 15 315 nəfərdə koronavirus infeksiyası aşkarlanıb, 55 pasiyent ölüb.
Bu barədə Gürcüstan hökumətinin xüsusi rəsmi saytında bildirilib.
Bununla da indiyədək qonşu ölkədə COVID-19-a yoluxanların sayı 1 496 156-ya, vəfat edənlərin sayı isə 15 683-ə yüksəlib.
Son bir gündə 10 894, ümumilikdə isə 1 300 062 nəfər müalicə olunaraq sağalıb.