BQXK Prezidenti Kiyevə getdi

Beynəlxalq Qızıl Xaç Komitəsinin (BQXK) Prezidenti Peter Maurer Kiyevə gedib.
Bu barədə Maurer "Twitter"də bildirib.
O deyib ki, BQXK-nın neytral və qərəzsiz humanitar fəaliyyətinin genişləndirilməsi üçün icmalar və hakimiyyət orqanları ilə danışıqlar aparılacaq.
“Ukraynada insanlar kömək üçün fəryad edirlər. Ehtiyaclar böyük, şərtlər ağırdır. Biz onların çağırışlarına cavab vermək üçün səylərimizi əsirgəmirik.
Müharibə əsirləri, saxlanılanlar, meyitlərin qaytarılması ilə bağlı məsələlərdə biz işimizi genişləndirməyə ümid edirik”, - Maurer vurğulayıb.