Erməni mətbuatının Xankəndi ilə bağlı yalanı

"Erməni mətbuatının Azərbaycan tərəfinin Xankəndiyə gedən qaz xəttini 9 gündən sonra, yəni bu gün təmirinə başlaması barədə yazdığı məlumat həqiqəti əks etdirmir. Bu məlumat daha çox erməni əhalini ümidləndirmək məqsədi daşıyır". 
Bunu hərbi ekspert Ədalət Verdiyev deyib.
"Hazırda borunun partladığı ərazi qalın qarla örtülüb, təmir üçün boruya yaxınlaşmaq və ora texnika yeritmək də yaxın günlərin işi deyil. Beləliklə erməni mətbuatı növbəti dəfə ictimaiyyəti aldatmaqda davam edərək ənənəsinə sadiq qaldığını nümayiş etdirir", - deyə ekspert bildirib.