Ermənistanda sutka ərzində ikinci əsgər ölüb

Ermənistanda bir sutka ərzində ikinci hərbçinin ölümü faktı qeydə alınıb.
“Sputnik Ermənistan” xəbər verir ki, bu barədə Ermənistan Müdafiə Nazirliyi məlumat yayıb.
Bildirilib ki, Martın 17-də saat 10:30-da sıravi əsgər Eduard Rüstəmyanın meyiti tapılıb.
Müdafiə Nazirliyindən verilən məlumata görə, respublikanın cənub istiqamətində dislokasiya olunan hərbi hissələrdən birinin ərazisində güllə yarası ilə 19 yaşlı çağırışçının meyiti tapılıb.
Hüquq-mühafizə orqanları hadisənin təfərrüatlarını öyrənmək üçün araşdırma aparır.
Xatırladaq ki, martın 16-da axşam saatlarında Ermənistan Müdafiə Nazirliyinin tabeliyindəki başqa bir hərbi hissəsdə daha bir əsgərin meyiti tapılıb.