Tokayev hakim partiyanın sədrliyindən istefa verib

Ötən gün Qazaxıstan prezidenti Qasım-Comərd Tokayev hakim Amanat Partiyasının növbədənkənar qurultayında siyasi qüvvənin sıralarından çıxmaq qərarını açıqlayıb.
O, bu barədə “Kazmediasentre”də jurnalistlərə açıqlamasında bildirib.
“Mən dedim ki, partiya sədrliyindən gedəcəyəm, təşkilatdan gedəcəyəm, bu qərarı icra etməyin vaxtı çatıb. Bu gündən etibarən Amanat Partiyasının başqanlığından getmək və partiyadan çıxmaq barədə qərar qəbul etmişəm. Bu addım simvolikdir. Bu baxımdan, prezident seçkilərində göstərdiyiniz etimada və dəstəyə görə hamınıza təşəkkür etmək istəyirəm.  Mən partiyanın rəhbərliyini mənə etibar etdiyiniz üçün təşəkkür edirəm”, - Tokayev deyib.
Qeyd edək ki, daha əvvəl Tokayev dövlət başçısının prezidentliyi dövründə siyasi partiyalara üzvlüyünə qadağa qoyulmasını təklif edib.