Volodimir Zelenski Ukraynanın neytral statusu ehtimalına münasibət bildirib

Prezident Volodimir Zelenski Ukraynanın neytral statusu barədə danışıb.

"Ukrinform” xəbər verir ki, o, bu barədə "Əl- Arabiya” telekanalına müsahibəsində deyib.

"Ukraynanın neytral statusu bir halda mümkündür. Gərək konkret dövlətlər bizə ciddi təhlükəsizlik təminatları versinlər. Rusiya da bu zəmanətləri qəbul etməlidir. Bundan sonra referendum keçiriləcək və son qərarı Ukrayna xalqı verəcək”, - o söyləyib.

Zelenski hesab edir ki, Rusiya ilə danışıqların ən aktual məsələləri təhlükəsizlik zəmanətləri, Ukraynanın neytral statusu və Krımın taleyidir.

Qeyd edək ki, dövlət başçısı daha əvvəl müharibənin bitməsi üçün ölkənin şərqindəki əraziləri güzəştə getməyəcəyini demişdi.