Rusiyanın "İskəndərləri" Belarus sərhəddi yaxınlığında yerləşdirilib

Rusiya öz qoşunlarını Ukraynanın dövlət sərhədi boyunca Belarus Respublikası ərazisində saxlayır.
Bu barədə Ukrayna Silahlı Qüvvələrinin Baş Qərargahı məlumat yayıb. 
"Rusiya Silahlı Qüvvələrinin Belarus ərazisində yerləşən bölmələri "İsgəndər-M" operativ-taktiki raket kompleksləri, "Pantsir-C1" zenit-raket kompleksləri, S-400 zenit-raket kompleksləri və operativ-taktiki təyyarələrlə təchiz olunub. Bundan əlavə, Rusiya Federasiyası Bryansk və Kursk vilayətlərində Ukrayna-Rusiya sərhədinin gücləndirilmiş mühafizəsini təmin etməkdə davam edir. Sərhəd rayonlarında Ukraynanın Çerniqov və Sumı vilayətlərinin yaşayış məntəqələrinin mülki infrastrukturunu atəşə tutan düşmənin ayrı-ayrı bölmələri var", - deyə hssabatda bildirilib.