Alman şirkətlərində kadr böhranı: İXTİSASLI İŞÇİLƏR ÇATIŞMIR

Almaniyada ixtisaslı işçi çatışmazlığında yeni rekord qırılıb. Araşdırma nəticəsində məlum olub ki, Almaniyada hər iki şirkətdən birində ixtisaslı kadr çatışmazlığı var.

İqtisadi araşdırmaları ilə tanınan Ifo İnstitutunun keçən iyul ayında apardığı araşdırmaya qatılan Almaniyadakı şirkətlərin 49,7 faizi ixtisaslı kadr çatışmazlığı olduğunu bildirib. Bu, 2009-cu ildən bəri Ifo-nun rüblük sorğularında qeydə alınan ən yüksək göstəricidir. Əvvəlki rekord ötən ilin aprelində 43,6 faiz olub.