Uşaqlıqda ayrılan qardaşlar 77 ildən sonra bir-birlərini tapdılar
3-09-2022, 20:42
18 861

Uşaqlıqda ayrılan qardaşlar 77 ildən sonra bir-birlərini tapdılar

Avstraliyalı 79 yaşlı Ceff və onun qardaşı, Böyük Britaniyadan olan 83 yaşlı Ted Nobbs 77 illik ayrılıqdan sonra görüşəcəklər.
Ted, Barri və Con Nobbs İkinci Dünya Müharibəsi zamanı kiçik qardaşları Ceffdən uşaq ikən ayrılıblar. 1945-ci ildə onların anaları xərçəngdən ölüb, oğlanlar atalarının yanında qalıblar. Kişi uşaqlara lazımi qaydada baxa bilmədiyi üçün iki yaşlı Ceffi övladlığa vermək qərarına gəlib.
Bu minvalla Ceff himayədar ailə ilə bu günə qədər yaşadığı Avstraliyaya köçüb. Qardaşlar uzun illər bir-birlərini tapmağa çalışıblar. 2014-cü ildə Ceff qohumlarının harada yaşadığını öyrənib və zəng edib onlarla söhbət etməyə başlayıb.
Qardaşlardan biri - Con artıq vəfat edib. Barri isə qocaldığı üçün səyahət edə bilmədiyindən Ted Avstraliyada Ceffi tək ziyarət edəcək.
Mənbə: lenta.ru

Oxşar xəbərlər